Bloomberg: Пуцін рыхтуе эскалацыю

Крыніцы, блізкія да Крэмля, палохаюць Захад ядзернай зброяй.

Пуцін лічыць, што мірныя перамовы па Украіне зайшлі ў тупік і рыхтуецца да эскалацыі баявых дзеянняў, пры гэтым у асяроддзі расійскага прэзідэнта ўсё больш баяцца, што ўрэшце ён звернецца да выкарыстання тактычнай ядзернай зброі. Пра гэта паведамляе Bloomberg са спасылкай на крыніцы, блізкія да Крэмля.

Паводле суразмоўцаў агенцтва, у бліжэйшы час Расія плануе ўзмацніць удары балістычнымі ракетамі па Кіеве, у тым ліку па цэнтры горада, а таксама па інфраструктурных аб’ектах у іншых украінскіх гарадах.

Перамовы, якія каля паўтара года ішлі пры пасярэдніцтве адміністрацыі Дональда Трампа, дэ-факта пацярпелі фіяска, кажуць крыніцы Bloomberg: абодва бакі знаходзяцца там жа, дзе былі на пачатку. Украінскія ўдары па расійскай тэрыторыі, якія закранулі дзясяткі НПЗ, парты і склады маркетплейсаў, у Маскве лічаць атакай з боку НАТА, бо альянс прадастаўляе Кіеву ўзбраенне і разведдадзеныя.

Нягледзячы на эканамічны ціск, бензінавы крызіс і ўдары па лагістычных хабах, Пуцін не плануе завяршаць вайну, падкрэсліваюць суразмоўцы Bloomberg. Паводле іх слоў, цяперашняя фаза ўзаемных удараў — яшчэ не пік ваеннай эскалацыі.

Усё больш расійскіх чыноўнікаў прыходзяць да высновы, што Пуцін як крайні сродак можа выкарыстаць супраць Украіны тактычную ядзерную зброю, кажуць блізкія да Крэмля крыніцы Bloomberg. Заклікі з боку праваенных ястрабаў, якія выступаюць за такі крок, апошнім часам гучаць усё мацней, падкрэслівае агенцтва, бо параза ў вайне выглядае абсалютна непрымальным сцэнарыем для Пуціна.

Паколькі дыпламатыя па Украіне сышла на нуль, у Маскве бачаць мала альтэрнатыў эскалацыі, сказалі чатыры блізкія да Крэмля суразмоўцы Bloomberg. У Крэмлі па-ранейшаму спадзяюцца, што Стывен Уіткоф і Джарэд Кушнер, спецпасланцы Дональда Трампа, прывязуць у Маскву новыя прапановы, хоць чаканні прарыву вельмі нізкія, сказалі крыніцы.

Пакуль прыкмет таго, што Пуцін рыхтуецца выкарыстоўваць ядзерную зброю, няма, адзначае Bloomberg. Катэгарычна супраць выступаюць партнёры Расіі, у тым ліку Кітай, які перадаў у Крэмль строгую перасцярогу ад такога кроку. Пра наступствы ядзернага ўдару Пуціна папярэджвала адміністрацыя Джо Байдэна, нагадвае Фіёна Хіл, старшая навуковая супрацоўніца Brookings Institution, а ў мінулым — дарадчыца трох амерыканскіх прэзідэнтаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com