Келлог пераказаў размову паміж Трампам і Зяленскім пра акупацыю Крыму РФ

Прэзідэнт Украіны «асадзіў» амерыканскага лідара.

Экс-спецпрадстаўнік прэзідэнта ЗША па пытаннях Украіны Кіт Келлог распавёў, што да нядаўняй размовы з прэзідэнтам Уладзімірам Зяленскім Дональд Трамп не ведаў пра колькасць украінскіх страт падчас акупацыі Крыму Расіяй у 2014-м.

Пра гэта Келлог заявіў у апублікаваным 25 жніўня інтэрв’ю для YouTube-канала Наталлі Масейчук.

Паводле яго слоў, размова пачалася, калі прэзідэнт Зяленскі знаходзіўся ў Авальным кабінеце Белага дома — і там, у прыватнасці, вісела вялікая мапа, на якой быў намаляваны Крым.

«Прэзідэнт Трамп спытаў яго: „Колькі салдат вы страцілі ў Крыме?“ Зяленскі адказаў: „Аднаго. Мы страцілі аднаго, таму што вы сказалі нам не ваяваць“. Трамп гэтага не ведаў. Кожная адміністрацыя адрозніваецца ад папярэдняй, але я не бачыў ніякага шкадавання ці расчаравання адносна падтрымкі Украіны», — сказаў Келлог.

Як удакладніў былы спецпрадстаўнік прэзідэнта ЗША, той «на асабістым узроўні не любіць канфліктаў», а страты яго «прыгнятаюць». У той жа час, паводле Келлога, кіраўнік Белага дома не аказваў ціску на прэзідэнта Зяленскага, каб схіліць яго да добраахвотнай адмовы ад часткі Данецкай вобласці, якая знаходзіцца пад кантролем Кіева.

«Падобна, гэта стала відавочна падчас саміту на Алясцы (у жніўні 2025 года ў горадзе Анкарыдж — рэд.). Думаю, Пуцін спадзяваўся, што Трамп націсне на Зяленскага, каб той аддаў яму рэшткі Данеччыны. Гэта не адбылося. Бо Трамп, па сутнасці, агучыў тое самае, што і я: „Калі вам патрэбная гэтая зямля — ваявайце за яе“», — рэзюмаваў Келлог.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com