«Тынкоўка абсыпалася»: у расійскіх элітах адбылася рэзкая змена настрояў
4- 29.08.2026, 18:39
- 4,702
Аточанне Пуціна жыве ў чаканні турбулентнасці.
На пяты год поўнамаштабнай агрэсіі РФ супраць Украіны расійская эліта кардынальна змяніла стаўленне да вайны і эканамічнай сітуацыі ў краіне.
Людзі, якія яшчэ нядаўна захоўвалі спакой і верылі ў устойлівасць расійскай эканомікі, цяпер кажуць пра адсутнасць грошай і прагназуюць катастрофу.
Пра гэта распавёў расійскі журналіст, аўтар кнігі «Уся крэмлёўская раць» Міхаіл Зыгар у інтэрв’ю «Медузе».
Зыгар адзначыў, што ў першыя месяцы пасля пачатку поўнамаштабнага ўварвання Расіі ва Украіну сярод прадстаўнікоў сапраўднай эліты назіралася паніка, але яна даволі хутка мінула. Замест гэтага пачалі гучаць фразы, што вайну не трэба было пачынаць, але раз яна ідзе, цяпер давядзецца ваяваць.
Да гэтага года ў гэтым асяроддзі захоўвалася адчуванне, што расійская эканоміка здольная вытрымліваць ціск Захаду, а санкцыі не наносяць сістэме крытычнай шкоды. Цяпер жа сітуацыя змянілася.
«Сёлета раптам тынкоўка абсыпалася, і гэтая сярэднестатыстычная крыніца пачала гаварыць: “Усё, канец”», — заявіў журналіст.
Цяпер адны прагназуюць турбулентнасць, іншыя — катастрофу. Вядучы спытаў у Зыгара, ці зрабілі ўражанне на расійскага дыктатара Уладзіміра Пуціна і яго аточанне маштабныя ўкраінскія атакі па аб’ектах у РФ, на што журналіст адказаў, што гэтыя ўдары раззлавалі Пуціна, а эліту — засмуцілі.
Пры гэтым дыктатар, паводле слоў Зыгара, працягвае трымацца колішняй логікі, а вось у аточання погляды на тое, што адбываецца, змяніліся.
Журналіст дадаў, што яшчэ да ўдараў па складах Wildberries у эліты быў дрэнны настрой, бо грошы заканчваюцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
