Латвія аднавіла працу пункта прапуску «Патернікі» на мяжы з Беларуссю

Мяжа была зачыненая з 31 ліпеня.

Латвія вечарам 4 жніўня аднавіла працу пункта прапуску «Патернікі» («Грыгораўшчына» з беларускага боку) на латвійска-беларускай мяжы. Пра гэта паведаміў Дзяржаўны пагранічны камітэт Беларусі.

«Латвійскі бок паведаміў беларускім памежнікам, што з 21.00 у пункце прапуску „Патернікі“ („Грыгораўшчына“) ён аднавіў у поўным аб'ёме прапуск грузавых і легкавых транспартных сродкаў», — паведамілі беларускія памежнікі.

«Беларуская мытня гатовая да аднаўлення транспартных і таварных патокаў у поўным аб'ёме. На дадзены момант у электроннай чарзе на выезд з Беларусі ў Латвію зарэгістравана больш за 80 грузавікоў», — дадалі ў Дзяржаўным мытным камітэце.

Нагадаем, вечарам 31 ліпеня стала вядома, што Латвія зачыніла мяжу з Беларуссю «па тэхнічных прычынах».

«Мяжа паміж Латвіяй і Беларуссю зачыненая па тэхнічных прычынах. Тым, хто яшчэ не вярнуўся ў Латвію, раім скарыстацца іншымі маршрутамі», — гаварылася ў паведамленні кіраўніка МУС краіны.

Днём раней Домбрава заклікаў суайчыннікаў адмовіцца ад запланаваных паездак у Беларусь або вярнуцца, калі яны ўжо там знаходзяцца.

Зазначым, што Латвія з'яўляецца адным з маршрутаў нерэгулярных мігрантаў, якія прарываюцца з Беларусі ў Еўразвяз. З пачатку года было прадухілена незаконнае пранікненне больш як 9100 чалавек. Звычайна штодня мяжу штурмуюць дзясяткі парушальнікаў. Паказчыкі Літвы і Польшчы па спыненых на мяжы — на парадак ніжэйшыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com