У МЗС РФ заклікалі расіян быць гатовымі да зацяжной вайны з Украінай
4- 6.08.2026, 18:41
- 1,856
Пасол па асаблівых даручэннях таксама заявіў, што вайна будзе «дастаткова сур'ёзнай і цяжкай».
Пасол па асаблівых даручэннях МЗС Расіі Радзіён Мірошнік у інтэрв'ю ТАСС заявіў, што Расіі трэба быць гатовай да зацяжных баявых дзеянняў. Праўда, у гэтым дыпламат абвінаваціў Еўропу.
— Мы цудоўна разумеем, што заходнікі зрабілі стаўку на працяг канфлікту. Заходнікі зрабілі стаўку на поўнае адмаўленне спосабаў дасягнення мірнага ўрэгулявання. Усе спробы весці дыялог натыкаюцца на непрымірымае жаданне еўрапейцаў сарваць любыя магчымасці дасягнення дамоўленасцей. Зламаць гэтую тэндэнцыю ў бліжэйшай перспектыве наўрад ці атрымаецца. Еўропа працягне фінансаваць Украіну. І з нашага боку павінна быць гатоўнасць да даволі доўгатэрміновых ваенных дзеянняў, але з прадуманай стратэгіяй, — заявіў Мірошнік.
Ён таксама заявіў, што вайна будзе «дастаткова сур'ёзнай і цяжкай».
Нагадаем, раней Украіна і ЗША неаднаразова звярталіся да РФ з прапановай пачаць перамовы.
Прэзідэнт Казахстана Касым-Жамарт Такаеў 25 ліпеня на сустрэчы ў Омску з прэзідэнтам РФ Уладзімірам Пуціным публічна прапанаваў замарозіць вайну ва Украіне і працягнуць перамовы, пачатыя ў Стамбуле.
Аднак у Крамлі патрабуюць спачатку выканаць агучаныя два гады таму Пуціным умовы спынення баявых дзеянняў.
Сярод іх — вывад ЗСУ з усёй тэрыторыі Данецкай, Луганскай, Херсонскай і Запарожскай абласцей у межах іх адміністрацыйных граніц; адмова ад уступлення ў НАТА; без'ядзерны статус Украіны і зняцце з РФ усіх санкцый.
У сярэдзіне ліпеня агенцтва Bloomberg са спасылкай на блізкія да Крамля крыніцы паведаміла, што Пуцін ужорстчыў свае патрабаванні да Украіны.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
