«Цэны жахлівыя, крамы пустыя»: Z-блогера шакавала сітуацыя ў Крыме

Што адбываецца на паўвостраве?

Сітуацыя ў акупаваным Крыме застаецца надзвычай цяжкай. Да дэфіцыту паліва і электрычнасці дадалася нястача тавараў. Пра тое, што адбываецца на паўвостраве, распавёў расійскі Z-блогер Аляксандр Горны, перадае Dialog.UA.

Паводле ягоных звестак, у Крыме захоўваецца нястача паліва. Там, дзе бензін ёсць, ён прадаецца па цэнах, што вышэйшыя за еўрапейскія. Крамы, па яго словах, напаўпустыя, а астатнія тавары істотна падаражэлі. Жыхары прывыкаюць жыць без электрычнасці.

«Сітуацыя жахлівая, цэны выраслі, на адной з васьмі заправак быў 92-гі па 100 ₽ і чарга з 40 машын. На астатніх паліва было, але па 2 € за літр, у Еўропе танней. Прадуктаў у крамах мала, і цэннікі жахлівыя. У «Народным амбары» малака няма, скіслае ляжыць у вазках, і просяць не браць! Адключаюць электрычнасць, генератары не спраўляюцца. Будаўнічай драўніны ў продажы няма, склады пустыя. Паводле слоў работнікаў, вадзіцелі не хочуць ехаць праз «новыя тэрыторыі» ні за якія грошы… Усюды прадаюць генератары, нават на абочынах. У каго былі грошы, той ужо купіў, а ў многіх (нічога — рэд.) няма, як дзяцей у школу збіраць — не ведаюць. У Арджанікідзе турыстаў трохі ёсць, але на Агатавым пляжы ўсяго чалавек 20 у пік сезона! Газавыя балёны танней чым за 10 тыс. ₽ не купіш, запраўіць іх — яшчэ той квэст. Усе «саўмінаўскія» абяцанні наконт бензіну і газу аказаліся пустаслоўем. Сітуацыя з электрычнасцю зусім незразумелая, як і з вадой. Сёння ў мяне адключылі электрычнасць на 7 гадзін, і гэта проста свята ў параўнанні з астатнімі рэгіёнамі Крыма», — напісаў Горны.

Ён адкрыта кажа пра расчараванне жыхароў Крыма ў Расіі і крамлёўскіх стаўленіках на паўвостраве. «Усе вельмі стаміліся і раздражнёныя, а паўсюдны гул генератараў дадае фарбаў да бягучай карціны… Калі б я перадаў размовы і настроі людзей з бізнесу і проста звычайных грамадзян, іх бы дакладна за такое пасадзілі», — піша Z-блогер.

Ён лічыць, што асноўны крызіс яшчэ наперадзе і раіць крымчанам запасацца прадуктамі, лекамі і іншымі таварамі першай неабходнасці. «Падрыхтуйце свае «запасныя парашуты» і «аэрадромы», пасадка з такімі вождзямі абяцае быць жорсткай», — канстатаваў Горны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com