Былая жонка Ілона Маска парушыла маўчанне пра іх шлюб

Джасціна Маск прызналася, што муж размаўляў з ёй, як з супрацоўніцай.

Першая жонка Ілона Маска Джасціна Маск упершыню за доўгі час падрабязна расказала пра іх шлюб. Яе інтэрв’ю ўвайшло ў новы чатырохгадзінны дакументальны фільм рэжысёра Алекса Гібні «Маск», прэм’ера якога адбылася на Венецыянскім кінафестывалі, піша People (пераклад — сайт Charter97.org).

Джасціна і Ілон узялі шлюб у 2000 годзе і выхоўвалі шасцярых дзяцей. Менавіта падчас адносінаў з Маскам яна даведалася пра тэрмін «газлайтынг». Яна сцвярджае, што муж часта прымушаў яе адчуваць сябе нязначнай і размаўляў з ёй так, быццам яна была яго супрацоўніцай.

«Я даведалася пра тэрмін газлайтынг дзякуючы адносінам з Ілонам», — кажа Джасціна ў фільме.

Асабліва ёй запомніўся першы танец на ўласным вяселлі. Тады Маск заявіў, што ён з’яўляецца «альфай у гэтых адносінах». Яна таксама ўспамінала яго пастаянныя заўвагі пра тое, у чым, на яго думку, яна была недастаткова добрая.

У фільме закранаецца і канфлікт Маска з іх трансгендарнай дачкой Вівіян. Джасціна сцвярджае, што пасля яе камінг-аўту Маск перастаў аплачваць медыцынскую страхоўку дачкі і «ніколі не спрабаваў аднавіць адносіны» з ёй.

Сам мільярдэр у здымках фільма не ўдзельнічаў і раней называў стужку «спробай яго ачарніць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com