Украіна ўвяла асаблівы рэжым на мяжы з Беларуссю

Абмежаванні будуць дзейнічаць да адмены ваеннага становішча.

Кабінет Міністраў Украіны ўвёў спецыяльны памежны рэжым у паласе шырынёй у адзін кіламетр уздоўж мяжы з Расіяй і Беларуссю. Пра гэта паведамілі

У межах пазначанай тэрыторыі ў кіламетровай паласе забаронена ўязджаць, пражываць і працаваць тым асобам, чыя дзейнасць не звязаная з аховай дзяржаўнай мяжы або абаронай.

Прыняцце рашэння тлумачаць неабходнасцю ўзмацнення абараназдольнасці краіны ва ўмовах паўнамаштабнай вайны з РФ. Акрамя таго, існуе рызыка выкарыстання тэрыторыі Беларусі для дэстабілізацыі грамадска-палітычнай сітуацыі ў прыгранічных рэгіёнах і вядзення разведвальна-падрыўной дзейнасці.

Новыя правілы прызваныя абараніць грамадзянскіх асоб ад небяспекі і зрабіць немагчымым іх выпадковае або несанкцыянаванае знаходжанне ў патэнцыйна небяспечнай прыгранічнай зоне.

Адзначаецца, што ўсе ўстаноўленыя забароны з'яўляюцца часовымі і будуць адмененыя адразу пасля завяршэння дзеяння ваеннага становішча.

Нагадаем рэжым Лукашэнкі аказвае дапамогу Расіі з самага пачатку ваеннай агрэсіі РФ супраць Украіны. Апошнім часам, з таго часу, як Кіеў сутыкаецца з пастаяннай пагрозай з боку рэактыўных БПЛА, стала прыкметна, што ўсе гэтыя дроны ідуць па адным і тым жа маршруце — часткова ўздоўж мяжы з Беларуссю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com