«Як на гэтыя грошы жыць?»

Беларусы — пра цяжкасці з пошукам працы і пра заробкі, якіх не стае.

Беларуска Наталля апублікавала ў Threads крык душы — з вышэйшай юрыдычнай адукацыяй у офісе яна атрымлівае 1200 рублёў, але гэтага не стае на ўсю сям’ю. Жанчына задаецца пытаннем: як у астатніх атрымліваецца зарабляць больш, купляць кватэры і падарожнічаць? У каментарах яе падтрымалі, піша «Зеркало».

«Працы няма. Не, праца ёсць. Заробку няма. Я дайшла да той кропкі, калі проста сядзіш і рыдаеш ад бяссілля і безвыходнасці, — піша Наталля. — Я не магу дазволіць сабе за 1200 бел. рублёў у месяц сядзець у офісе з раніцы да вечара і працаваць за траіх за адзін заробак. У нас дзеці, кватэра ў арэндзе…»

Пры гэтым, адзначае беларуска, ствараецца ўражанне, што ў астатніх з грашыма ўсё ў парадку.

«Вакол толькі і бачыш: машыны, кватэры, падарожжы. Як? Вось як? У мяне вышэйшая юрыдычная адукацыя, я працавала апошнія чатыры гады культарганізатаркай, больш за 10 гадоў у капірайтынгу — і я на мяжы адчаю», — дзеліцца яна.

Крык душы Наталлі зразумелі многія, хто цяпер знаходзіцца або быў у падобнай сітуацыі.

«Вось! Чыста мае думкі. Шукаю працу, але заробкі проста гнятлівыя. Гэта ж не на жыццё, а на аплату рахункаў. Як, блін, на гэтыя грошы жыць? І дзе працуюць усе тыя людзі з машынамі, кватэрамі, адпачынкам хоць бы раз на год? Мора толькі сніцца, а на 1200 нават сніцца перастане».

«Цудоўна разумею. Толькі працы ўсё ж няма. Адна лухта, куды нават душа не ляжыць. Як кажуць, бяры што ёсць, хадзі як на катаргу, зарабі на міску супу і не ный. Мрок, карацей. Калі б заробак матываваў туды хадзіць — гэта адно, пацярпець можна. А так — ні таго, ні другога. Трымайцеся там, вы не самотныя».

«Тое самае, хачу зарабляць сярэдні заробак. Але быць проста спецыялістам з добрымі рэкамендацыямі і досведам недастаткова. На «Работа.бай» ужо каля 10 адмоваў».

«Я таксама не ўяўляю, як можна з такім заробкам жыць пры такіх коштах на арэнду».

«Лёгка, усё ў крэдыт. І большасці дапамагаюць бацькі і бабулі. Бабулі да смерці гадуюць свіней і бульбу, а бацькі і на пенсіі, і на працах — каб толькі дзіцятка стварыла ілюзію прыгожага жыцця».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com