Украінская разведка: Пуцін баіцца расійскай эліты

Аналіз ГУР Міністэрства абароны Украіны грунтуецца на рэальных перахопленых дакументах РФ.

У Крамлі існуе раскол на дзве групы з нагоды вайны супраць Украіны, а сам дыктатар Пуцін баіцца ўласнай эліты.

Пра гэта заявіў прадстаўнік Галоўнага ўпраўлення разведкі Міністэрства абароны Украіны Вадзім Скібіцкі у межах канферэнцыі YES Annual Meeting 2026, арганізаванай Фондам Віктара Пінчука.

Паводле слоў прадстаўніка ГУР, аналіз украінскай разведкі грунтуецца на рэальных перахопленых дакументах РФ. Цяпер у асяроддзі Пуціна выразна вылучаюцца прынамсі дзве групы:

- першая выступае за працяг вайны супраць Украіны;

- другая імкнецца спыніць баявыя дзеянні шляхам перамоўнага працэсу.

«Падчас патэнцыйных перамоўных працэдур становіцца відавочна, што рэжым сапраўды баіцца ўнутранага калапсу і дэстабілізацыі ў краіне», — адзначыў Скібіцкі.

Акрамя таго, дадзеныя адсочвання ўнутрыпалітычнай дынамікі пры падрыхтоўцы да выбарчых працэсаў у РФ паказалі прыкметнае падзенне ўзроўню падтрымкі прапраўладных партый, у прыватнасці «Адзінай Расіі».

«Гэта быў выразны сігнал для рэжыму», — сказаў прадстаўнік ГУР.

Паводле слоў Скібіцкага, Пуцін баіцца ўплыву алігархаў, памятаючы досвед справы Міхаіла Хадаркоўскага. Сведчаннем гэтай трывогі з’яўляюцца канкрэтныя крокі расійскай улады:

- прыняцце новых законаў аб мабілізацыі;

пашырэнне паўнамоцтваў спецслужбаў праз больш жорсткія ўказы па бяспецы;

- з’яўленне ў СМІ публікацый пра магчымую рэприватызацыю кампаній і прадпрыемстваў у Расіі

- Я лічу, што для нашых міжнародных партнёраў павінна быць прыярытэтам дакладна зразумець, хто ў расійскай эліце сапраўды хоча спыніць вайну, а хто імкнецца да яе працягнення, — дадаў ён у адказ на пытанне, ці ёсць магчымасць у Захаду «перакупіць» нязгодных з дыктатарам алігархаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com