Lexus аказаўся самым даўгавечным прэміяльным брэндам

Японская мадэль апярэдзіла канкурэнтаў з Германіі.

Калі хочацца купіць ужываны прэміяльны аўтамабіль і не разарыцца на рамонце, Lexus выглядае значна бяспечней за BMW або Mercedes-Benz. Да такой высновы прыйшлі эксперты, вывучыўшы даныя больш як пра 395 млн аўтамабіляў, піша Autoblog (пераклад — сайт Charter97.org).

У аўтамабіляў Lexus верагоднасць перасягнуць адзнаку ў 400 тысяч кіламетраў склала 14,4%. Для параўнання, Mercedes-Benz заняў толькі шостае месца сярод прэміяльных марак з вынікам 2,6%, а BMW апынуўся дзявятым — усяго 0,5%.

Сярэдні паказчык для ўсіх прэміяльных брэндаў склаў 3,4%. Асабліва добра сябе праяўляюць старыя Lexus LS, якія і праз дзесяцігоддзі ўсё яшчэ можна сустрэць у выдатным стане.

Адно з тлумачэнняў — прасцейшая канструкцыя японскіх аўтамабіляў. Нямецкія маркі часцей выкарыстоўваюць складаныя тэхналогіі, што паляпшаюць характарыстыкі аўтамабіляў, але разам з гэтым расце і колькасць патэнцыйных паломак. Паводле даных асобнага даследавання, абслугоўванне BMW ва ўзросце ад шасці да дзесяці гадоў у сярэднім каштуе $9300 супраць $5600 у Lexus.

«Рэйтынг самых даўгавечных марак можа быць карысным арыенцірам пры выбары ўжыванага аўтамабіля з вялікім прабегам», — заявіў аналітык Карл Браўэр.

Вялікі прабег не азначае непазбежных праблем для BMW або Mercedes-Benz. Аднак уладальнікам гэтых аўтамабіляў часцей даводзіцца траціць больш на абслугоўванне і рамонт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com