Джонсан адрэагаваў на ўдар па цягніку, у якім ехаў

Брытанскі палітык заклікаў нарэшце перадаць Украіне замарожаныя актывы РФ.

Еўропа, і ў прыватнасці Вялікабрытанія, павінны перадаць Украіне замарожаныя расійскія актывы, каб пакласці канец расійскай узброенай агрэсіі. Пра гэта напісаў у сацыяльнай сетцы X былы кіраўнік брытанскага ўрада Барыс Джонсан пасля таго, як расійскі дрон атакаваў цягнік «Укрзалізніцы», у якім ехаў палітык.

«Я не ведаю, якая перакручаная логіка падштурхнула Пуціна падарваць нерухомы ўкраінскі лакаматыў на польскай мяжы сёння раніцай. Тое, што мы можам сказаць напэўна, — гэта тое, што ўкраінцы сутыкаюцца з падобнымі нападамі кожны дзень», — напісаў ён.

Джонсан выказаў абурэнне тым, што Украіна атрымлівае занадта мала сродкаў СПА ад заходніх партнёраў. Таксама ён заклікаў перадаць Украіне 140 мільярдаў еўра замарожаных расійскіх актываў, што захоўваюцца ў бельгійскім дэпазітарыі, або хаця б тыя 10 мільярдаў фунтаў, што знаходзяцца ў Лондане.

«Украінцы перамогуць — гэта стала відавочна за апошнія тры дні ў іх цудоўнай краіне. Але мы значна хутчэй пакончым з гэтай жахлівай вайной, калі ўсе мы паставімся да гэтага сур'ёзна і дамо ім тое, у чым яны маюць патрэбу і на што заслугоўваюць», — дадаў палітык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com