Новая карта свету зменіць звыклы выгляд Беларусі

ААН прапануе перайсці да больш дакладнага адлюстравання кантынентаў.

Генеральная Асамблея ААН падтрымала ініцыятыву па больш шырокім выкарыстанні картаграфічных праекцый, якія дакладней перадаюць рэальныя памеры кантынентаў. Перш за ўсё ідзе пра адмову ад звыклай праекцыі Меркатара на карысць, у прыватнасці, Equal Earth.

Як гэта можа адабіцца на звыклай карце свету і што зменіцца для Беларусі, растлумачыў для «Салідарнасці» культурны менеджар і гісторык Ілля Андрэеў.

Чаму звыклая карта скажае памеры краін

Праекцыя Меркатара з'явілася яшчэ ў XVI стагоддзі і доўгі час была зручная для марской навігацыі. Аднак у яе ёсць істотны недахоп: чым далей тэрыторыя знаходзіцца ад экватара, тым мацней скажаюцца яе памеры.

З-за гэтага, напрыклад, Грэнландыя на звыклых картах здаецца супастаўнай па памеры з Афрыкай, хоць насамрэч Афрыка прыблізна ў 14 разоў большая.

Праекцыя Equal Earth, якую прапануюць выкарыстоўваць шырэй, захоўвае рэальныя суадносіны плошчаў кантынентаў.

Ініцыятарамі кампаніі выступілі афрыканскія дзяржавы. Яны лічаць, што традыцыйныя карты візуальна памяншаюць памеры Афрыкі, Лацінскай Амерыкі і Паўднёвай Азіі і тым самым уплываюць на ўспрыманне іх месца ў свеце.

Што вырашыла ААН

Рэзалюцыя ААН мае рэкамендацыйны характар.

Дзяржавам, міжнародным арганізацыям, адукацыйным установам і тэхналагічным платформам прапануюць паступова пераходзіць да больш дакладных картаграфічных праекцый.

Пры гэтым дакумент асобна падкрэслівае, што ён не датычыцца пытанняў дзяржаўных межаў, суверэнітэту або тэрытарыяльных спрэчак.

Украіна адзначыла праблему з Крымам

Тым не менш пазбегнуць палітычных спрэчак не ўдалося. Украіна звярнула ўвагу на тое, што на адной з версій карты Equal Earth акупаваны Расіяй Крым пазначаны нейтральным шэрым колерам. Кіеў падкрэсліў, што такое адлюстраванне стварае праблему з пункту гледжання тэрытарыяльнай цэласнасці Украіны. У выніку Украіна падчас галасавання ўстрымалася.

Прадстаўнік Вялікабрытаніі таксама асобна падкрэсліў, што Крым з'яўляецца часткай Украіны, а спроба яго анексіі Расіяй незаконная. Масква, наадварот, падтрымала ініцыятыву. Беларусь таксама прагаласавала за рэзалюцыю.

Як змяніцца Беларусь

На карце ў праекцыі Equal Earth звыклы контур Беларусі крыху змяняецца. Краіна выглядае крыху больш выцягнутай, аднак яе абрысы застаюцца лёгка пазнавальнымі.

У Беларусі контур краіны даўно стаў самастойным сімвалам. Яго выкарыстоўваюць на сувенірах, упрыгожваннях, дзяржаўнай сімволіцы і нават у архітэктурных праектах. Таму, калі новыя картаграфічныя стандарты сапраўды атрымаюць шырокае распаўсюджанне, паступова можа змяніцца і звыклае візуальнае адлюстраванне краіны.

Расія будзе выглядаць меншай

Для Расіі візуальны эфект значна мацнейшы. З-за ліквідацыі скажэнняў, уласцівых праекцыі Меркатара, вялізныя паўночныя тэрыторыі перастаюць выглядаць настолькі масіўнымі.

У выніку Расія на такой карце візуальна аказваецца значна меншай за звыклую выяву. Менавіта паўночныя краіны мацней за ўсё «выйграюць» у памерах на старых картах з-за асаблівасцяў праекцыі Меркатара.

Карты хутка не змяняцца

Пры гэтым хуткай «перамалёўкі» картаў чакаць не варта. Рэзалюцыя ААН не з'яўляецца абавязковай, а найбуйнейшыя лічбавыя платформы, выдавецтвы і адукацыйныя ўстановы самі будуць вырашаць, ці пераходзіць на новыя праекцыі.

Таму ў найбліжэйшы час звыклая карта свету нікуды не знікне. Аднак сама дыскусія паказвае, што нават спосаб адлюстравання краін і кантынентаў можа станавіцца часткай вялікай палітыкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com