Польшча значна павялічыць выдаткі на бяспеку

Амаль 5% ВУП.

Урад Польшчы значна павялічыць выдаткі на бяспеку. Пра гэта ў Сейме заявіў міністр фінансаў і эканомікі Анджэй Доманьскі. Паводле яго слоў, рашэнне прынятае на фоне апошніх дзеянняў Крамля: расійскія беспілотнікі ўдарылі па грузавіках у непасрэднай блізкасці ад польскай мяжы, а таксама пашкодзілі цягнік, што накіроўваўся з Кіева ў Варшаву, перадае «Польскае радыё».

«Наш урад прыняў рашэнне радыкальна павялічыць выдаткі на бяспеку. І ў гэтым, і ў наступным годзе яны складуць 200 мільярдаў злотых — амаль 5% нашага ВУП. Лічу, што гэта надзвычай важна менавіта ў кантэксце апошніх гадзін. Я таксама хацеў бы яшчэ раз падкрэсліць, што мы прынялі рашэнне істотна павялічыць фінансаванне Агенцтва ўнутранай бяспекі і Агенцтва разведкі», — заявіў Доманьскі.

Паводле міністра, для фінансавання «куполу бяспекі» неабходная моцная і ўстойлівая да ўзрушэнняў эканоміка. Ён запэўніў, што падмурак польскай эканомікі застаецца трывалым, а маштаб пераўтварэнняў апошніх дзесяцігоддзяў прызнаюць ва ўсім свеце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com