Прэм'ер Швецыі падаў у адстаўку пасля паразы на выбарах

Левацэнтрысцкая апазіцыя атрымала большасць у парламенце.

Прэм'ер-міністр Ульф Крыстэрсан падаў у адстаўку пасля абвяшчэння вынікаў выбараў, на якіх перамагла левацэнтрысцкая апазіцыя, паведамляе SVT.

Неўзабаве пасля абвяшчэння вынікаў выбараў прэм'ер-міністр Ульф Крыстэрсан паведаміў, што падаў прашэнне аб адстаўцы спікару парламента.

«Вынікі выбараў, магчыма, стварылі складаныя ўмовы для фармавання наступнага ўрада, паколькі розныя заявы партый, зробленыя да дня выбараў, могуць стаць перашкодай для любых магчымых варыянтаў фармавання ўрада і кааліцый», – заявіў Крыстэрсан у сваім лісце спікару.

Каб знайсці прэм'ер-міністра, якога Рыксдаг зможа зацвердзіць, неабходная канструктыўная адкрытасць з боку партый у парламенце, адзначыў ён.

«Каб гэтая праца пачалася неадкладна, гэтым лістом прашу вызваліць мяне ад пасады прэм'ер-міністра», – напісаў Крыстэрсан.

Прэм'ер-міністр і іншыя міністры ўрада вызваляюцца ад займаных пасад, але працягваюць выконваць свае абавязкі да прынясення прысягі новым урадам.

Лідарка партыі «Хрысціянскія дэмакраты» Эбба Буш адзначыла ў сваіх сацыяльных сетках, што цяпер менавіта спікар павінен распачаць працэс вызначэння таго, хто сфарміруе новы ўрад.

«Хачу падзякаваць Ульфу Крыстэрсану за ягонае кіраўніцтва на пасадзе прэм'ер-міністра, які разам з намі і рэштай «сіне-жоўтай» каманды надаў Швецыі новы кірунак», – заявіла яна.

Шведскія левацэнтрысцкія апазіцыйныя партыі атрымалі 176 месцаў падчас парламенцкіх выбараў, што адбыліся ў нядзелю, 13 верасня, тады як правы блок, які цяпер пры ўладзе, атрымаў 173 месцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com