«Лукашэнка грае ў галоўнакамандуючага»

Для дыктатара скаляпалі цацку.

Аналітык Сяргей Чалы звярнуў увагу на некаторыя дэталі нядаўняга наведвання кіраўніком краіны агульнавайсковага палігона Абуз-Лясноўскі. Там Аляксандра Лукашэнку запрасілі ў «заглыблены камандна-назіральны пункт 78-га асобнага механізаванага батальёна».

— Ну і антуражык: маленькі столік для Лукашэнкі, сцены, абітыя пафарбаванай фанерай, — каментуе Чалы атмасферу ў «бункеры» на канале «Белсат». — Але тут яшчэ цікава, які сцэнар яны прайграюць. Маўляў, праціўнік вядзе наступальную аперацыю на заходнім напрамку.

Першая механізаваная брыгада спыненая на рубяжы Гродна-Скідзель-Слонім-Быцень. Праціўнік перагрупаваўся і працягвае наступ у напрамку Слонім-Баранавічы. Нешта яны добра прасунуліся!

Я нават прыблізна разумею, як яны распрацоўвалі заданне для гэтых вучэнняў. З Гродна наступаюць джыпы з кулямётамі Ціханоўскай, а з паўднёва-захаду — была ж у Лукашэнкі гэтая гісторыя з серыі страхаў пад ложкам — дыверсійныя групы праніклі, аб’ядналіся, захапілі, напрыклад, Маларыту, як ён казаў, і абвясцілі Баранавіцкую народную рэспубліку.

Дык дзе яны даюць адпор? Слонім, Баранавічы.

А цяпер адказ на пытанне: што ж дапамагае людзям у баявых умовах? Вядома, яго вечны пераносны кандыцыянер! Дапамагаюць плакаты: «Святая справа — Радзіме служыць», «Гонар і Радзіма — вышэй за ўсё».

— А вось, калі ласка, пражэктар імпартазамяшчэння: усё айчыннае — Asus VivoBook. Толькі згас адзін сігнал і высветлілася заставка — Hikvision. То бок гэта ўсё кітайшчына.

Але самае смешнае — як яны замянілі англійскі інтэрфейс. Як яны напісалі слова «засада»? Лацінскімі літарамі! Але якімі? «Zacada». Не было кірыліцы — дык хоць так. Працяжнік — дзе ён не патрэбны, і няма там, дзе трэба. Відавочна, нейкі афіцэр сказаў: «Так, хлопцы, будзе першы — намалюйце, каб было».

— І яшчэ раз пра кандыцыянер! Чорт пабяры, ён жа павінен выходзіць кудысьці вонкі, а яны яго замаскіравалі. А не дай бог радыёактыўныя ападкі? Гэта чалавек грае ў галоўнакамандуючага. Для яго скаляпалі цацку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com