«Мы памыліліся»: Пуцін заклікаў рыхтавацца да дэфіцыту бензіну надоўга

Расійскім вадзіцелям варта забыць пра камфортнае жыццё.

Расійскім грамадзянам варта «быць гатовымі» да захавання дэфіцыту бензіну з-за ўкраінскіх атак на нафтазаводы, лічыць прэзідэнт Уладзімір Пуцін.

Выступаючы на Усходнім эканамічным форуме ў чацвер, Пуцін прызнаў, што ўлады аказаліся не гатовыя да серыі атак на энергаінфраструктуру, якая прывяла да абвальнага падзення выпуску нафтапрадуктаў і справакавала наймацнейшы ў сучаснай гісторыі паліўны крызіс, піша The Moscow Times.

«(Мы) зыходзілі з таго, што гэта чыста грамадзянскія аб'екты, і яны не могуць быць аб'ектамі якіх бы там ні было атак нават ва ўмовах узброенага канфлікту. Але ў гэтым сэнсе мы памыліліся, наш супрацьнік, на жаль, думае інакш», — сказаў Пуцін.

На пытанне мадэратара пра тое, ці варта расіянам прывыкаць да дэфіцыту бензіну, Пуцін адказаў: «Мы павінны быць гатовыя да ўсяго». «Толькі наша гатоўнасць дасць разуменне ўсім, хто хоча нам нашкодзіць, што лепш гэтага не рабіць», — дадаў ён.

Паводле слоў Пуціна, на ўдары па НПЗ Расія «вымушана адказваць люстрана», і гэты адказ «апынуўся значным», а нафтавыя кампаніі ўжо пачалі актыўную працу па самастойнай абароне сваіх аб'ектаў і паступова аднаўляюць пашкоджаныя заводы. «Думаю, астатнія 10% мы адновім у найбліжэйшы час», — сказаў прэзідэнт.

«Пакуль ідзе СВА, адказ толькі адзін — умацоўваць сістэму супрацьпаветранай абароны», — дадаў Пуцін.

З пачатку года ўкраінскія БПЛА не менш як 70 разоў паражалі расійскія НПЗ, звёўшы аб'ёмы нафтаперапрацоўкі ў Расіі да мінімуму за два дзесяцігоддзі. На канец жніўня выпуск бензіну ў краіне складаў усяго каля 70% унутранага спажывання, дэфіцыт дасягаў прыкладна 30 тысяч тон у дзень, а не менш за 17 рэгіёнаў увялі абмежаванні на продаж паліва — ад забароны заліваць у бак больш за 30–40 літраў да сістэмы «цот-няцот» на АЗС паводле нумароў аўтамабіляў.

За жнівень з-за удараў БПЛА не менш як 7 расійскіх НПЗ цалкам або часткова спынялі вытворчасць, а 2 верасня цалкам спыніў перапрацоўку завод «Кінеф» у Ленінградскай вобласці — другі па магутнасці ў краіне. Каб пакрыць дэфіцыт паліва, расійскія ўлады ўпершыню ў гісторыі пачалі завозіць імпартны бензін морам — з Індыі, Марока і Турцыі, а таксама давялі да рэкордных аб'ёмаў закупаў у Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com