У Екацярынбургу з акна выпаў высокапастаўлены начальнік паліцыі

Былы намеснік начальніка Цэнтра «Э» незадоўга да гэтага выйшаў на пенсію.

У Екацярынбургу знайшлі мёртвым былога намесніка начальніка Цэнтра па процідзеянні экстрэмізму ГУ МУС па Свярдлоўскай вобласці РФ, палкоўніка паліцыі Сяргея Шалагінава, піша The Insider.

Праўладны партал URA.Ru напісаў, што ён звёў рахункі з жыццём пасля звальнення з МУС і што незадоўга да таго ў яго былі рознагалоссі з кіраўніцтвам. Пазней нататку выдалілі з сайта выдання.

Цела Шалагінава выявілі раніцай 1 верасня каля жылой шматпавярхоўкі на вуліцы Шчорса, паведамляў E1. Крыніцы гэтага выдання сцвярджалі, што незадоўга да смерці ён выйшаў на пенсію.

У Свярдлоўскім упраўленні МУС пацвердзілі смерць Шалагінава, аднак абверглі інфармацыю пра канфлікт на службе. Начальнік прэс-службы рэгіянальнага галоўнага ўпраўлення Валерый Гарэлых заявіў ТАСС, што перад смерцю Шалагінаў падаў рапарт аб звальненні па выслузе гадоў, а перад сыходам яму, наадварот, прапаноўвалі павышэнне.

«Былы намеснік начальніка цэнтра па процідзеянні экстрэмізму ГУ МУС Расіі па Свярдлоўскай вобласці Сяргей Шалагінаў памёр у Екацярынбургу, раней ён падаў рапарт аб звальненні па выслузе гадоў. Перад выхадам на заслужаны адпачынак кіраўніцтвам рэгіянальнага галоўнага ўпраўлення паліцыі яму прапаноўвалася павышэнне па службе. ГУ МУС вобласці цяпер аказвае дапамогу сям'і нашага баявога таварыша ў арганізацыі пахавання. Што тычыцца нібыта канфлікту на службе, пра які напісалі асобныя тэлеграм-каналы, што не праверылі ў адпаведных ведамствах інфармацыю на праўдзівасць, гэта не больш чым дамыслы».

Шалагінаў меў званне палкоўніка паліцыі. У 2022 годзе яго ўзнагародзілі медалём МУС «За баявую садружнасць». У 2025 годзе ён выступаў перад студэнтамі Уральскага дзяржаўнага эканамічнага ўніверсітэта з лекцыяй «Актуальныя пагрозы тэрарыстычнага і экстрэмісцкага характару ў моладзевым асяроддзі», дзе распавядаў, у тым ліку, пра адказнасць за «супрацьпраўныя дзеянні» і правілы паводзінаў у інтэрнэце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com