У Германіі пачаўся раскол у партыі «сяброўкі Пуціна»

Палітычную сілу пакідае шэраг дэпутатаў, сярод іх — міністры.

Унутрыпартыйны канфлікт у шэрагах левых папулістаў з BSW (Альянс Сары Вагенкнехт) абвастрыўся ў нямецкай Цюрынгіі — дзесяць дэпутатаў вырашылі пакінуць партыю, сярод іх — трое зямельных міністраў.

Пра гэта паведамляе «Шпігель».

Гаворка ідзе пра дзесяць дэпутатаў фракцыі BSW у ландтагу Цюрынгіі, якія маюць намер выйсці з партыйных радоў.

Паводле наяўных звестак, сярод іх — трое міністраў зямельнага ўрада, адказных за фінансы, лічбавыя тэхналогіі і навакольнае асяроддзе. Акрамя таго, сваю пасаду пакінуў і зямельны лідар BSW Гернот Зюсмут.

Раней на гэтым тыдні фракцыю і партыю ўжо пакінулі трое дэпутатаў, а цяпер, з улікам новых адстаўкаў, у парламенцкай фракцыі BSW застаецца ўсяго 12 чалавек.

Як заявіла лідарка фракцыі Зігрыд Хупах, нягледзячы на скарачэнне складу, дэпутаты пакуль працягнуць працу ў зямельным парламенце і «застаюцца вернымі кааліцыі». Прэм’ер-міністр Цюрынгіі ад ХДС Марыё Войгт таксама пацвердзіў, што кааліцыя захоўвае сваю працаздольнасць і працягне функцыянаваць.

Хваля адставак толькі ўзмацніла ўжо наспелы канфлікт паміж цюрынгскім аддзяленнем BSW і партыйным кіраўніцтвам на федэральным узроўні. Раней Сара Вагенкнехт заявіла, што партыя не будзе перашкаджаць лідару ультраправой «Альтэрнатывы для Германіі» ў Саксоніі-Анхальт заняць пасаду прэм’ер-міністра зямлі, на якую ён, верагодна, зможа прэтэндаваць па выніках мясцовых выбараў. У адказ кіраўніца цюрынгскай ячэйкі BSW Каця Вольф рэзка раскрытыкавала такую пазіцыю, назваўшы яе недапушчальным патураннем ультраправым сілам.

Адзначаецца таксама, што ў выпадку атрымання месцаў у парламенце Саксоніі-Анхальт BSW плануе разам з «Альтэрнатывай для Германіі» ў першую чаргу дамагацца прыняцця рэзалюцыі супраць нямецкай дапамогі Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com