«Калі расейцам за такую цану — калі ласка, а беларусаў пашкадуйце»
- 5.09.2026, 11:59
Мінчанін здзівіўся, што ягонай кватэрай цікавяцца толькі расейцы.
Мінчанін у Threads распавёў, што на ягоную аб’яву пра арэнду аднапакаёвай кватэры за 1400 рублёў у месяц адгукаюцца толькі расейцы. Ён задаўся пытаннем, чаму няма цікавасці ў суайчыннікаў. У каментарыях іншыя карыстальнікі патлумачылі магчымыя прычыны, піша «Зеркало».
Жыхар Мінска выклаў відэа і фота сваёй аднапакаёвай кватэры, указаўшы цану ў 1400 рублёў. У якасці пераважных арандатараў ён назваў сямейныя пары без дзяцей і жывёл.
«Цікава, што за два тыдні адгукнуліся толькі расейцы. А дзе беларусы?» — пацікавіўся аўтар аб’явы.
У каментарыях карыстальнікі патлумачылі мужчыне, чаму ягоная прапанова можа быць нецікавай суайчыннікам. Асноўныя прэтэнзіі зводзіліся да высокай, на іх думку, цаны і «стомленага» рамонту, у прыватнасці — да кухні «з 2000-х».
Адзін з самых залайканых каментароў быў пра суадносіны цаны і якасці:
«1400 за аднапакаёўку з так сабе рамонтам. Вы там галавой ударыліся?»
Многія каментатары палічылі, што цана не адпавядае сярэднім заробкам у краіне:
«У многіх заробак роўны кошту арэнды».
«Калі расейцам за такую цану — калі ласка. Беларусаў-то пашкадуйце».
Некаторыя карыстальнікі з іроніяй выказалі здагадку, што арэндадаўца мог памыліцца з валютай:
Найбольш крытыкі выклікала кухня ярка-салатавага колеру. Карыстальнікі назвалі яе «бабушатнікам» і «калгасам»:
«О Божа ты мой, што гэта за бабушатыня? За такія грошы».
«У мяне б у гэтай кухні прыступ эпілепсіі здарыўся».
Аднак знайшліся і тыя, хто палічыў цану рыначнай. Адна з каментатарак распавяла пра свой досвед пошуку жылля:
«1400 — гэта ўжо нармальная цана для Мінска, сын шукаў, былі цэны і вышэй. Пакуль даходзіў да ўладальніка, каб заключыць дамову, <�…> кватэру ўжо забіралі, толькі з трэцяга разу атрымалася зняць».
А камусьці кватэра нават спадабалася:
«Звычайная кватэра. Я б зняў, але ўжо купіў».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
