Пасля аперацыі мэр Менска з'ехаў на рэабілітацыю ў Германію?
14- 15.05.2009, 17:33
Прафесар, сябар-карэспандэнт Акадэміі Навук Арнольд Смеяновіч паведаміў, што мэр Менска, якому ён зрабіў аперацыю па выдаленні пухліны мозгу, у цяперашні час праходзіць рэабілітацыю.
«Я не ведаю, як сябе адчувае Міхаіл Якаўлевіч, - сказаў вядомы прафесар «Народнай волі». – Я зрабіў яму аперацыю, а пасля гэтага ён паехаў на рэабілітацыю. Я не ведаю вынікаў…».
Некаторыя беларускія сайты паведамлялі, што Міхаіл Паўлаў збіраўся накіравацца ў адну з нямецкіх клінік.
«Нават не ведаю, куды ён паехаў, - кажа Арнольд Смеяновіч. – Я Паўлава не курырую, таму што не бачыў яго з тых часоў, як ён выпісаўся».
У Менгарвыканкаме выданню паведамілі, што яны ведаюць, што Паўлаў хварэе, і са сваімі падпарадкаванымі ён у апошні час не звязваўся.
