Генпракуратура працягвае праверку па Саннікаву

Генеральная пракуратура Беларусі завяршае праверку абставінаў падачы «прашэння» кандыдатам у прэзідэнты Андрэем Саннікавым.

Генеральнай пракуратурай Рэспублікі Беларусь завяршаецца праверка заяў, якія прагучалі ў сродках масавай інфармацыі і з боку асобных асоб аб тым, што А.А.Саннікавым прашэнне аб памілаванні напісанае пад ціскам, паведамляе сайт Генпракуратуры РБ.

У цяперашні час матэрыялы старанна вывучаюцца. Пасля іх абагульнення і падрыхтоўкі адпаведнага заключэння яны будуць накіраваныя ў Камісію па памілаванні пры Лукашэнку, якая разгледзіць іх у адпаведнасці з рэгламентам працы.