Анархісты Вялікабрытаніі заклікаюць падтрымаць беларускіх палітвязняў

Ангельскія антыфашысты і анархісты нагадваюць пра сваіх беларускіх аднадумцаў, якія зараз знаходзяцца ў турмах.

З сямі зняволеных актывістаў антыфашысцкага і анархісцкага руху на постсавецкай прасторы шасцёра - грамадзяне Беларусі. Яны кінутыя ў турмы па падазрэнні ў дзеяннях, накіраваных супраць рэжыму Аляксандра Лукашэнкі, нагадвае сайт news.infoshop.org.

Таксама прыводзяцца імёны і адрасы зняволення беларускіх анархістаў.

Ігар Аліневіч: Беларусь, Наваполацк, калонія № 10, атрад № 12.

Мікалай Дзядок: Беларусь, Магілёў, Слаўгарадская шаша, 183, калонія № 15

Аляксандр Францкевіч: Беларусь, Івацэвічы, калонія № 22, атрад № 2.

Арцём Пракапенка: Беларусь, Шклоў, турма № 17, атрад № 15.

Павел Сырамалотаў: Беларусь, Магілёў, Слаўгарадская шаша, 3 км., Калонія № 19.

Яўген Васьковіч: Беларусь, Магілёў, вул. Крупскай, 99А, турма № 4.