Пра кампенсацыю «савецкіх» укладаў можна забыцца

Кампенсацый банкаўскіх укладаў 1990-х гадоў у Беларусі не будзе.

Пра гэта заявіла кіраўнік Нацбанка Надзея Ермакова падчас прамой тэлефоннай лініі ў газеце «Советская Белоруссия», перадае «Еўрарадыё».

Жыхарка Кіраўска Валянціна Васільеўна расказала, што ў 1993 годзе яе муж адкрыў пецярым унукам грашовыя ўклады - па 5 тысяч рублёў кожнаму. На той час гэта былі добрыя грошы, але сёння - капейкі.

Па словах Ермаковай, у бліжэйшы час выплаты кампенсацый па такіх укладах чакаць не варта.

Для гэтага з бюджэту краіны неабходна вылучыць вельмі вялікія грошы. А такой магчымасці ў дзяржавы няма.