Sunday Times: Беразоўскі павінен быў атрымаць $ 300 мільёнаў

Барыс Беразоўскі, які быў знойдзены мёртвым у сваім доме пад Лонданам, павінен быў атрымаць значныя сродкі ад продажу актываў у некалькіх афшорных фондах.

Паводле дакументаў, да якіх атрымала доступ газета, інвестыцыйная кампанія Salford Capital Partners, якая кіруе трыма афшорнымі фондамі Бярозаўскага, з ягонага даручэння мела намер ліквідаваць актывы дзеля таго, каб «даць яму капітал на суму прыкладна 300 млн даляраў», паведамляе ВВС.

Гнаны алігарх, які атрымаў палітычны прытулак у Брытаніі, быў знойдзены мёртвым у ваннай свайго дома ў мястэчку Аскот у графстве Бэркшыра. Паведамлялася, што пасля паразы ў лонданскім працэсе супраць Рамана Абрамовіча ў жніўні мінулага года, ён адчуваў фінансавыя праблемы і знаходзіўся ў прыгнечаным стане.

Аднак, як піша Sunday Times, «гэта адкрыццё дадае інтрыгі да абставін смерці былога мільярдэра, які стаў сімвалам глабальнай апазіцыі Крамлю. Некаторыя яго сябры мяркуюць, што новыя абставіны ставяць пад сумнеў версію пра самагубства Беразоўскага і пацвярджаюць іх меркаванне аб тым, што гаворка ідзе пра забойства».

У мінулы чацвер у ратушы Віндзар адкрыліся афіцыйныя каранерскіе слуханні ў справе аб смерці Барыса Беразоўскага. Галоўны інспектар паліцэйскага аддзялення акругі Тэмз-Вэлі Том Уістл паведаміў, што цела 67-гадовага бізнэсоўцы знаходзілася на падлозе ў ваннай, на яго шыі была пятля.

Следства цалкам не выключае версію аб гвалтоўнай смерці алігарха. Зрэшты пакуль, са слоў інспектара, няма ніякіх падстаў уважаць акалічнасці смерці Беразоўскага за падазроныя. Версія аб гвалтоўнай смерці можа быць цалкам выключаная пасля правядзення ўсіх патрэбных аналізаў.