«Ляпіс Трубяцкі» выступіць на фестывалі «Нашествие»

Забаронены ў Беларусі гурт выступіць на фестывалі, які пройдзе ў Вялікім Завідаве Цвярской вобласці з 5 па 7 ліпеня.

Адным з хэдлайнераў мерапрыемства стане гурт «Акіян Эльзы», піша lenta.ru.

Украінскі гурт закрые трэці дзень фестывалю, 7 ліпеня.

Раней стала вядома, што хэдлайнэрам другога дня «Нашествия» стане гурт «Сакрэт», які ў 2013 годзе адзначае 30-годдзе. Гэтае выступленне стане першым для яго ў гісторыі фестывалю. Хэдлайнерам у пятніцу, 5 ліпеня, будзе гурт «Бі-2», пры тым, што гэты дзень закрые адмысловы сэт гурта «Брава», які пачнецца роўна апоўначы. «Брава» ў 2013 годзе таксама адзначае 30-гадовы юбілей.

На 14-м па ліку фестывалі «Нашествие , які пройдзе ў 2013 годзе, таксама выступяць «Начныя Снайперы», «Ляпіс Трубяцкі», «Воплi Вiдаплясова», «Каста», «Пілот», «Кароль і Шут», «Аліса», «Дэльфін», «Арыя», «Brainstorm», «Анімацыя», «Кукрыніксы», «Млын», «Пікнік», «Пасля 11», «Смыславыя Галюцынацыі», «Юта», «FPG», «LОUNA», «7Б», «Брыгадны Падрад», Вася Абломаў, «Кіпелаў», Насця Палявая, Вольга Арэф'ева, «Сансара», «Торба-на-Кручы», «Чыж і Ко», «Alai Oli».

Нагадаем, гурт «Ляпіс Трубяцкі» забаронены ў Беларусі. Яго лідар Сяргей Міхалок не можа вярнуцца на радзіму з-за крытыкі ўладаў.

Гэта не першае выступленне гурта на «Нашествии».