Для Варламава патрабуюць 5 гадоў турмы
21- 24.06.2013, 17:15
- 28,497
Дзяржабвінаваўца просіць суд прысудзіць мадэльера Аляксандра Варламава да 5 гадоў пазбаўлення волі.
Пракурор на працэсе па справе беларускага мадэльера Аляксандра Варламава папрасіў суд пакараць абвінавачанага 5 гадамі пазбаўлення волі з канфіскацыяй маёмасці, паведамляе «Радыё Свабода».
Дзяржабвінавачанне просіць суд прызнаць Варламава вінаватым ва ўхіленні ад выплаты падаткаў і эканамічных злоўжываннях.
Нагадаем, дырэктар ПУП «Агенцтва моды Сашы Варламава», былы мастацкі кіраўнік Цэнтра сучаснага стылю і моды «UNIVERSUM MODELS» упраўлення па справах культуры БДУ, былы намеснік старшыні арганізацыйнага камітэта рэспубліканскага фестывалю-конкурсу моды і фота «Млын моды» і начальнік Цэнтра маладзёжнай моды БДУ Варламаў быў заключаны пад варту 20 траўня 2011 года.
Варламаву было прад'яўленае канчатковае абвінавачванне ў здзяйсненні злачынстваў, якія прадугледжваюць адказнасць за здзяйсненне махлярства ў асабліва буйным памеры (ч.4 арт.209 КК), крадзеж шляхам злоўжывання службовымі паўнамоцтвамі ў буйным памеры (ч.3 арт.210), прысваенне маёмасці (ч. 2 арт. 211), ухіленне ад выплаты падаткаў (ч.1 арт.243), злоўжыванне службовымі паўнамоцтвамі (ч.3 арт. 424).
У якасці сведак па крымінальнай справе дапытана больш за 800 чалавек, пацярпелымі прызнаныя 353 асобы.
Па дадзеных следства, агульная матэрыяльная шкода, прычыненая злачыннымі дзеяннямі Варламава, склала больш за Br 1,2 млрд.