Чарговы «шэдэўр» ад БТ: Ціхановіч з псіхіятрычнай лякарні зазывае на «Еўравізію»

Новы промаролік на «Беларусі-1» шакаваў беларускіх карыстальнікаў сеткі.

Карыстальнікі інтэрнэту смяюцца над новым агітацыйнымі ролікам па каналу «Беларусь-1», у якім артыст Аляксандр Ціхановіч спрабуе вырвацца з уціхамірвальнай кашулі і кажа, ад чаго адмаўляецца, са словамі «Чаго я там не бачыў?», піша «Наша Нiва».

Потым становіцца зразумела, што Ціхановіч адмаўляецца ад удзелу ў «Еўравізіі» на карысць маладых спевакоў. Такім чынам маладых выканаўцаў заклікаюць падаваць заяўкі на «Еўравізію».

Летась тэлеканал выпусціў промаролік, прысвечаны фіналу нацыянальнага адбору на конкурс «Еўравізіі» з удзелам Аляксандра Саладухі ў вобразе матыля.