Лукашэнка паедзе на 9 траўня ў Маскву

Беларускі дыктатар даў папярэднюю згоду на ўдзел у парадзе з нагоды 70-годдзя Перамогі ў Маскве.

Пра гэта заявіў памочнік прэзідэнта РФ Юрый Ушакоў, паведамляюць РІА Новости.

"У Менску, як і ў Маскве, 9 траўня будзе праведзены парад. Лукашэнка атрымаў запрашэнне на святкаванне юбілею Перамогі 9 траўня ў Маскве", - сказаў ён журналістам у аўторак на брыфінгу.

"Папярэдняя згода атрыманая", - адзначыў Ушакоў.

Паводле ягоных слоў, гэтая тэма будзе таксама абмяркоўвацца падчас пасяджэння НДР "саюзнай дзяржавы" і сустрэчы Лукашэнкі ды Пуціна ў аўторак у Маскве.