ЕЗ наважыў пакласці канец ананімнасці біткоін-платформаў
5- 16.12.2017, 21:16
- 18,602
Еўразвяз увядзе новую, узмоцненую сістэму правіл абарачэння на рынку крыптавалют і онлайн-аплат.
Пра гэта паведамляе DW са спасылкай на апублікаваную ў пятніцу, 15 снежня, заяву ЕЗ.
У Еўрапейскім Звязе пагадзіліся ўвесці больш жорсткія правілы, каб прадухіліць адмыванне сродкаў і фінансаванне тэрарызму. Яны будуць тычыцца абменных онлайн-платформаў для біткоіна і іншых крыптавалют.
"Гэта пагадненне прынясе больш празрыстасці, каб палепшыць барацьбу з адмываннем грошай, а таксама адрэжа струмень грошай для тэрарыстаў", - адзначыла еўракамісарка ў пытаннях правасуддзя Вера Юрава.
Сярод іншага новыя правілы ЕЗ:
- абавязваюць біткоін-платформы і онлайн- "партманэты" крыптавалют ідэнтыфікаваць карыстальнікаў;
- уводзяць абмежаванае выкарыстанне prepaid-карт для разлікаў;
- дазваляюць следчым органам мець больш доступу да інфармацыі, да банкаўскіх рэестраў;
- даваць "асобам з абгрунтаванай зацікаўленасцю" доступ да звестак аб давернай уласнасці.
Пастанова ЕЗ была прынятая на хвалі імклівага росту курсу біткоіна, які падаражэў больш чым на 1700 адсоткаў за гэты год.