Праз снегапад Украіна абмежавала рух на дарозе Кіеў - Гомель
- 17.01.2018, 20:36
- 12,871
На ўчастку ўкраінскай дарогі ля мяжы Беларусі праз непагадзь абмежаваны рух грузавікоў.
На ўчастку аўтадарогі Кіеў - Дзяржаўная мяжа з Рэспублікай Беларусь абмежаваны рух грузавога транспарту, паведамілі БелТА ў Дзяржаўным памежным камітэце.
«Сёння а 14.30 ад Чарнігаўскага памежнага атрада паступіла інфармацыя аб абмежаванні руху грузавога транспарту на ўчастку Чарнігаў - Кіеў аўтадарогі М01 Кіеў - Дзяржаўная мяжа з Рэспублікай Беларусь (складовая частка аўтамабільнага маршруту Е95) у сувязі з рэзкім пагаршэннем метэаўмоў», - паінфармавалі ў Дзяржаўным памежным камітэце.
Гомельская памежная група просіць улічваць гэтую інфармацыю пры планаванні паездак і быць больш уважлівымі на дарозе.