Зяленскі: Расія хоча, каб Трамп выглядаў слабым

Пуцін смяецца з прэзідэнта ЗША.

Амерыканцы павінны стаць на бок Украіны ў вайне, а любыя пагадненні з Расіяй — гэта лёгкая перамога для кіраўніка Крамля, лічыць прэзідэнт Украіны Уладзімір Зяленскі.

Аб гэтым ён заявіў у эфіры брытанскага палітычнага шоу Piers Morgan Uncensored, перадае «Еўрапейская праўда».

Зяленскі зноў адзначыў, што ўкраінцы заўсёды былі ўдзячныя за падтрымку амерыканскага народа. Аднак новыя пагадненні прэзідэнта Дональда Трампа з кіраўніком Крамля Уладзімірам Пуціным, на думку прэзідэнта, робяць яго слабым у вачах свету.

«Расія хоча, каб Трамп выглядаў слабым. Іх не хвалююць выбары ў ЗША. Іх хвалюе, што будзе з Украінай. Яны ненавідзяць амерыканцаў», — сказаў Зяленскі.

Акрамя таго, паводле слоў Уладзіміра Зяленскага, пагадненне паміж ЗША і Расіяй аб пастаўках расійскага дызельнага паліва на амерыканскі і сусветныя рынкі стала тактычнай перамогай для Пуціна.

«Пуцін смяецца. Для яго гэта была лёгкая перамога — з пагадненнем аб дызельным паліве. Тое самае і са Starlink. Яго выкарыстоўваюць для абароны мірнага насельніцтва, але таксама — і вайскоўцы. Цяпер Пуцін смяецца: ён страціў столькі людзей на полі бою, але тут атрымаў лёгкую перамогу», — заявіў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com