У Беларусі выяўленыя бальнеалагічныя гразі Сакскага возера
7- 23.01.2018, 21:54
- 35,390
Унікальныя крымскія гразі здабываюць з парушэннем украінскіх і міжнародных законаў.
У Беларусі нават не спрабуюць хаваць, што ў распараджэнні тутэйшых санаторыяў і іншых медустаноў маюцца ўнікальныя крымскія гразі.
Абвесткі і рэкламы на гэтую тэму прысутнічаюць у розных крыніцах, паведамляюць «Новости Крыма».
Вядома, што гразі з лячэбнымі ўласцівасцямі знаходзяцца на тэрыторыі возера ў Саках.
Цяпер здабычу тут вядуць з парушэннем украінскіх і міжнародных законаў. На незаконна здабытыя гразі выдаюцца такія ж незаконныя сертыфікаты Расейскай Федэрацыі.
Лячэбная прадукцыя вывозіцца за межы Крымскага паўвострава і праз Расею трапляе ў Беларусь.
Зразумела, што прыбытак ад рэалізацыі сакскіх гразяў трапляе ў бюджэт акупаванага Крыма, якім распараджаюцца прарасейскія ўлады.
На думку ўкраінскіх юрыстаў, Беларусь, якая ўважае сябе краінай, сяброўскай Украіне, фінансуе такім чынам акупацыйныя ўлады Крыма.