У Маскве збіты праваабаронца Валянцін Карэлін

Умяшанне мінака выратавала праваабаронцу ад сур'ёзных траўмаў.

Праваабаронца Валянцін Карэлін збіты ў Маскве.

Пра гэта паведаміла ў Facebook заснавальніца «Руси сидящей» Вольга Раманава, паведамляе infox.ru.

«30 студзеня сярод белага дня на падыходзе да метро нападаюць на Валянціна Карэліна, юрыста, актывіста, чалавека, які надзвычай блізка працуе з незалежнымі дэпутатамі Крылатскага. Чалавека, які як костка ў горле для адміністрацыі муніцыпальнай акругі Крылатскае, для арандатара часткі Крылатскіх пагоркаў», - напісала Раманава.

З ейных слоў, на Карэліна напалі са спіны двое ці трое людзей з завязанымі шалікамі тварамі. Білі са словамі: «На, атрымлівай».

«Толькі ўмяшанне мінака выратавала Валянціна ад больш сур'ёзных траўмаў», - дадала Раманава.

На мінулых выходных у Маскве быў збіты іншы праваабаронца Дынар Ідрысаў.

«У іх шмат агульнага. Паляванне на людзей», - склала Вольга Раманава.

Валянцін Карэлін з'яўляецца адным з заснавальнікаў рэгіянальнага грамадскага руху «Спасем Крылатские Холмы». За апошнія паўгода ён прадстаўляў у судах інтарэсы жыхароў раёна, а таксама ўдзельнічаў у працэсах, звязаных з праектам «Этнамір».

У верасні 2017 года быў учынены падобны напад на тагачаснага муніцыпальнага дэпутата і старшыню рэгіянальнага руху «Спасем Крылатские Холмы» Рамана Мірашнічэнку. Блізу двух гадоў таму, паводле падобнай схемы быў збіты актывіст Андрэй Сярогін.

Злачынцаў ні ў адным з выпадкаў знайсці не ўдалося.