Удзельнікаў акцыі каля Мінабароны ў Менску аштрафавалі
12- 17.10.2018, 21:24
- 9,520
Актывісты пратэставалі супраць дзедаўшчыны ў беларускім войску.
Удзельнікаў вулічнай акцыі каля Мінабароны ў Менску аштрафавалі. Дзяніс Мандзік (старшыня «Моладзі БНФ») і Ганна Смілевіч (экс-старшыня арганізацыі) у аўторак пратэставалі супраць дзедаўшчыны ў беларускім войску.
Акцыя праходзіла ў рамках новай грамадскай кампаніі "Квіток на той свет". Яна была спыненая АМАПаўцамі ўжо праз некалькі секунд пасля пачатку. Разам з Мандзікам і Смілевічам быў затрыманы і Арсень Дзядок, але яго ў той жа дзень адпусцілі (яму няма 18 гадоў).
У сераду Дзяніса Мандзіка і Ганну Смілевіч прывезлі з ізалятара часовага ўтрымання ў суд у кайданках. За ўдзел у несанкцыянаваным мерапрыемстве Мандзік аштрафаваны на 735 рублёў, Смілевіч - на 612,5, інфармуюць праваабаронцы.