Напярэдадні Раства ў Віфлеем з'ехаліся тысячы паломнікаў з усяго свету

Натоўпы людзей імкнуцца патрапіць у пячору Раства, дзе, паводле падання, нарадзіўся Ісус Хрыстос.

У Віфлееме - горадзе, размешчаным на Заходнім беразе Іардана - праходзіць шырокае святкаванне Раства, арганізаванае палестынскімі ўладамі.

Святкаванне Раства ў Бэтлееме пачалося з маляўнічага парада палестынскіх байскаўтаў і герлскаўтаў на плошчы Мангер. Перад базілікай Нараджэння Пана, якая, згодна з хрысціянскай традыцыяй, была пабудаваная на месцы нараджэння Ісуса Хрыста, усталявалі гіганцкую калядную яліну, паведамляе «Голос Америки».

Напярэдадні свята ў Віфлеем з'ехаліся паломнікі з усяго свету, каб наведаць грот, у якім, згодна з традыцыяй, нарадзіўся Хрыстос.

«Толькі ўявіць сабе, 2000 год таму тут нарадзіўся Ісус Хрыстос, тут яго трымалі на руках панна Марыя і Іосіф. Здарыўся цуд. Гэта проста неймаверна. Я вельмі шчаслівая», - дзеліцца ўражаннямі Дзіна Брыск з Агаё.