Кангрэсмен ЗША распачаў расследаванне скандальнага вяселля сына Трампа

Яно звязана з удзелам сябра Пуціна ў фінансаванні мерапрыемства.

У Палаце прадстаўнікоў ЗША ініцыявалі праверку меркаванага фінансавага ўдзелу блізкага да Крэмля прадпрымальніка Умара Крэмлёва у святкаваннях, звязаных з вяселлем Дональда Трампа-малодшага, піша Axios.

Расследаванне распачаў Роберт Гарсія, прадстаўнік партыі дэмакратаў у Камітэце па наглядзе ніжняй палаты Кангрэса ЗША. Ён накіраваў ліст кіраўніцы апарату Белага дома С'юзан Уайлс, у якім запатрабаваў падаць усе «дакументы, запісы і перапіску» паміж адміністрацыяй і сынам прэзідэнта Трампа, што датычацца Крэмлёва, уключаючы любыя папярэджанні пра сувязі апошняга з Уладзімірам Пуціным.

У лісце Гарсія пытаецца, ці мае Трамп-малодшы допуск да сакрэтнай інфармацыі, ці раскрываў ён Беламу дому свае сувязі з Крэмлёвым і ці звязана адсутнасць прэзідэнта Дональда Трампа на вяселлі сына з удзелам алігарха.

«Любае магчымае замежнае ўмяшанне заслугоўвае дбайнага вывучэння», — напісаў Гарсія.

Таксама ён звярнуўся наўпрост да Трампа-малодшага, прадстаўнік якога раней назваў Крэмлёва асабістым сябрам сына прэзідэнта ЗША. Кангрэсмен запатрабаваў падаць запісы пра ўсе пакупкі для вяселля, зробленыя замежнымі грамадзянамі, а таксама пра падарункі, атрыманыя ад замежных грамадзян або «асоб, якія маюць цесныя сувязі з праціўнікамі ЗША».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com