Лідар рэспубліканцаў у Сэнаце ЗША раскрытыкаваў Трампа за званок Пуціну

Мітч Макконэл назваў Пуціна дыктатарам, які перамог на фэйкавых «выбарах».

Лідар рэспубліканскай большасці ў Сэнаце ЗША Мітч Макконэл раскрытыкаваў пастанову прэзідэнта Дональда Трампа павіншаваць Уладзіміра Пуціна з перамогай на выбарах прэзідэнта Расеі. Пра гэта паведамляе тэлеканал CNN.

Макконэл назваў Пуціна «дыктатарам», які перамог на «фэйкавых выбарах».

«Кажучы пра выбары ў Расеі, я бачу адсутнасць даверу да падліку галасоў. Я заўсёды ўспамінаю выбары, якія ёсць амаль у кожнай камуністычнай краіне: хто б ні быў там дыктатарам, ён заўсёды набірае вялікую колькасць галасоў», - падкрэсліў лідар рэспубліканцаў Сэната.

Ён дадаў, што калі б ён быў на месцы Трампа, званок Пуціну не быў бы для яго ў прыярытэце.

«Аднак прэзідэнт можа патэлефанаваць таму, каму хоча», - адзначыў Макконэл.

20 сакавіка ў Крамлі заявілі, што Трамп павіншаваў Пуціна з перамогай на выбарах.

Прэзідэнцкія выбары ў РФ прайшло ўжо 18 сакавіка. Паводле папярэдніх звестак, прыход склаў 67,47%. Пасля апрацоўкі 99,84% бюлетэняў Пуцін у лідарах з 76,66% галасоў.

19 сакавіка намесніца прэс-сакратара Белага дома Хоган Гідлі заявіў, што Трамп не плануе тэлефанаваць Пуціну для віншаванняў з перамогай на выбарах.