Украіна спыніла эканамічнае супрацоўніцтва з Расеяй
31- 21.03.2018, 14:07
- 19,147
Кабінет міністраў Украіны разарваў праграму эканамічнага супрацоўніцтва з Расеяй на 2011-2020 гады.
Пра гэта паведаміў прэм'ер-міністр Украіны Уладзімір Гройсман падчас пасяджэння ўрада ў сераду, 21 сакавіка, паведамляе «Інтэрфакс-Україна».
Кабінет міністраў спыніў дзеянне гэтага дакумента, а таксама даручыў Міністэрству замежных спраў Украіны ва ўстаноўленым парадку праінфармаваць урад Расеі.
Нагадаем, што 7 чэрвеня 2011 года былыя на той час прэм'ер-міністры Расеі і Украіны Уладзімір Пуцін і Мікалай Азараў падпісалі праграму эканамічнага супрацоўніцтва дзвюх краін на 2011-2020 гады.
Адзначым, што ў Міністэрстве замежных спраў Украіны заяўлялі пра падрыхтоўку да выхаду з органаў Садружнасці Незалежных Дзяржаў (СНД) і дэнансацыі дамовы аб дружбе, супрацоўніцтве і партнёрстве з Расеяй.
Пазней кіраўнік МЗС Украіны Павел Клімкін назваў выхад Украіны з СНД стратэгічнай мэтай Кіева.