Азаранка і Марэй саступілі ў фінале міксту на Уімблдоне
7- 15.07.2018, 21:48
- 10,612
Беларуска ў пары з брытанцам саступілі фінал аўстрыйска-амерыканскаму дуэту.
Вікторыя Азаранка і Джэймі Марэй саступілі ў фінале міксту на Уімблдоне Аляксандру Пею (Аўстрыя) і Ніколь Мелічар (ЗША) з лікам 6:7, 3:6, паведамляе БелТА.
Аўстрыйска-амерыканскі дуэт падчас першага сэта стараўся дапускаць мінімум памылак на падачы, дамогшыся ў гэтым кампаненце гульні ўражлівых паказчыкаў - больш за 80%. Вікторыя Азаранка і Джэймі Марэй адчувалі цяжкасці з атакавальнымі ўдарамі. Спаборнікі актыўна і паспяхова дзейнічалі ля сеткі, што і дазволіла Аляксандру Пею і Ніколь Мелічар перамагчы.
Вікторыя Азаранка раней дамагалася ў Лондане больш значнага поспеху. У 2012 годзе на Алімпійскіх гульнях беларуска ў пары з Максімам Мірным выйгравалі залатыя медалі.
Пераможцамі ў адзіночным разрадзе Уімблдона 2018 сталі ў мужчын Новак Джокавіч (Сербія), у жанчын - Ангеліка Кербер з Нямеччыны.