Ва Украіне турыстычны аўтобус з Беларусі трапіў у ДТЗ

У аўтобусе раптам адмовілі тармазы.

Ва Украіне турыстычны аўтобус з Беларусі трапіў у ДТЗ - з'ехаў з дарогі ў кювет і знёс плот.

Адбылося гэта ўначы 22 жніўня ў Каламыі ў Івана-Франкоўскай вобласці.

Як інфармуе сайт ntktv.ua, у салоне быў 41 чалавек - грамадзяне нашай краіны ехалі на адпачынак. На шчасце ніхто з іх не пацярпеў. Аўтобус атрымаў пашкоджанні.

Кіроўца кажа, што ў аўтобусе раптам адмовілі тармазы. Праваахоўнікі мяркуюць, што ён мог заснуць за стырном. На яго склалі адміністрацыйны пратакол.