Фотафакт: Пад Слуцкам закапалі ў зямлю больш за 147 тысяч бляшанак тушонкі

Такім чынам мясакамбінат намагаўся схаваць вялікую колькасць пратэрмінаванай прадукцыі і пазбегнуць адказнасці.

Службовыя асобы мясакамбіната, каб ніхто не заўважыў нястачу, прыдумалі складаную сістэму, паведамляе kurjer.info са спасылкай на Салігорскі міжраённы аддзел фінансавых расследаванняў.

Перад гадавой інвентарызацыяй супрацоўнікі мясакамбіната аформілі фіктыўныя дакументы аб рэалізацыі фактычна знішчанай прадукцыі ў адрас камерцыйнай арганізацыі, а ў наступным адпрацавалі і ўжылі на практыцы механізм вырабу няўлічанай прадукцыі, каб перакрыць знішчаную.

Распачатая крымінальная справа паводле часткі 3 артыкула 424 Крымінальнага кодэкса (злоўжыванне ўладай або службовымі паўнамоцтвамі).