У Полацку аўтамабіль заехаў у натоўп людзей на прыпынку

Многія стаялі спінай да аўтамабіля, які несла прама на іх.

У інстаграм-канале novosti_novopolotsk.polotsk з'явілася відэа з камеры назірання на будынку «Полацк-Шкловалакно». На запісу відаць, як легкавы аўтамабіль заносіць і ён заязджае ў натоўп на прыпынку грамадскага транспарту.

Мяркуючы па даце, інцыдэнт адбыўся 15 студзеня. На прыпынак пад'язджаў аўтобус, людзі рыхтаваліся да пасадкі. Многія стаялі спінай да аўтамабіля, які несла прама на іх. Іншыя паспелі заўважыць машыну і адбегчы. Аўтамабіль заехаў у натоўп, людзі ўпалі.

Пасля гэтага кіроўца легкавога аўтамабіля з'ехаў за межы бачнасці камеры.

У паведамленнях ДАІ Віцебскай вобласці пра інцыдэнт не згадваецца. Звестак аб пацярпелых няма.