Кіраўнікі МЗС ЕЗ ухвалілі санкцыі ў сувязі са справай Скрыпалёў
4- 21.01.2019, 12:44
- 9,163
Санкцыі закрануць грамадзян Расеі ды Сірыі.
Міністры замежных спраў краін ЕЗ на сустрэчы ў Брусэлі ў панядзелак узгаднілі санкцыі супраць асоб, якія мелі дачыненне да нападаў з выкарыстаннем хімічнай зброі.
Гаворка ідзе пра замах на Сяргея і Юлію Скрыпалёў у брытанскім Салсбэры і пра хімічныя атакі ў Сірыі. ЕЗ упершыню ўводзіць санкцыі ў сувязі з выкарыстаннем хімічнай зброі.
У санкцыйны спіс, як паведамляе карэспандэнт Радыё Свабода/Радыё Свабодная Еўропа, будуць уключаны чацвёра грамадзян Расеі, 5 грамадзян Сірыі і адная сірыйская юрыдычная асоба. Імёны, як чакаецца, будуць названы пазней у панядзелак.
EU foreign ministers have approved the new chemical weapons sanctions. asset freezes and visa bans on 4 Russian nationals, 5 Syrians and 1 Syrian entity. names published later today. #Salisbury #Russia #Syria #Ukraine
— Rikard Jozwiak (@RikardJozwiak) 21 января 2019 г.
Раней са спасылкай на крыніцы паведамляліся, што ў спісе будуць падазраваныя ў атручванні ў Салсбэры, якія заехалі ў Брытанію з дакументамі на імя Аляксандра Пятрова і Руслана Башырава. Брытанскія ўлады сцвярджаюць, што гэта агенты расейскай вайсковай выведкі. У санкцыйны спіс ЗША яны раней былі ўнесеныя пад імёнамі Аляксея Чапігі і Аляксандра Мішкіна - сцвярджаецца, што гэта іх сапраўдныя імёны.
Былы агент ГРУ Сяргей Скрыпаль і ягоная дачка Юлія былі атручаны высокатаксічным рэчывам "Навічок" у Салсбэры 4 сакавіка. Пасля доўгага лячэння яны выжылі. Памерла брытанская грамадзянка, якая, відавочна, выпадкова зазнала ўздзеянне "Навічка". Інцыдэнт прывёў да значнага абвастрэння стасункаў паміж Брытаніяй і Расеяй.