Аляксандр Кабанаў: Дэкрэт пра «дармаедаў» скасуюць людзі

Вядомы актывіст і блогер з Берасця распавёў пра чаканні ў новым годзе.

Вядомы берасцейскі блогер і актывіст Аляксандр Кабанаў распавёў «Брестской газете», чым запомніўся мінулы год і з чым звязаныя галоўныя чаканні ў гэтым годзе:

- Год запомніўся знаёмствам з новымі людзьмі, кліпам «Жыць», зборам подпісаў, затрыманнямі, судамі, мноствам паездак, у асноўным з падзеямі, звязанымі з супрацьстаяннем будаўніцтву завода АКБ.

Чаканні на новы год: завод закрыюць, скасуем дэкрэт аб «дармаедах» - людзі скасуюць, улады на гэта не здольныя. І нарэшце людзі зразумеюць, што ўсё, што адбываецца ў нашым жыцці, наўпрост залежыць ад таго, што адбываецца на выбарчых участках.