Хакеры атрымалі звесткі 25 мільёнаў пашпартоў кліентаў Marriott

Яны таксама маглі атрымаць звесткі 8,6 мільёнаў аплатных картак.

Выцек персанальных звестак у выніку хакерскай атакі на групу гатэляў кампаніі Marriott International закранула не 500 млн, а 383 млн чалавек. Пра гэта гаворыцца ў заяве Marriott, апублікаванай у пятніцу, 4 студзеня піша «Немецкая волна».

Паводле ўдакладненых звестак, у руках хакераў маглі апынуцца незашыфраваныя пашпартныя звесткі блізка што 5,25 млн чалавек, а таксама зашыфраваныя пашпартныя звесткі яшчэ 20,3 мільёна чалавек. Аб выцеку звестак стала вядома ў лістападзе 2018 года, база была ўзламаная яшчэ ў 2014 годзе.

Парушальнікі таксама маглі атрымаць звесткі 8,6 млн аплатных картак, з іх цяпер дзейныя не больш за 354 тысячы. Довадаў таго, што хакеры маюць доступ да ключоў шыфравання, пакуль няма.