6 снежня 2019, Пятніца, 14:20
Засталося зусім крыху
Рубрыкі

Аксімірон: Суд паводле «маскоўскай справы» - абсурд і цырк

1
Аксімірон: Суд паводле «маскоўскай справы» - абсурд і цырк
АКСІМІРОН

Вядомы расейскі рэпер прыйшоў на суд падтрымаць Ягора Жукава і Самарыдзіна Раджабава.

Масгарсуд пакінуў без змен рашэнне аб меры стрымання для студэнта Вышэйшай школы эканомікі Ягора Жукава. Яго раней абвінавацілі ў закліках да экстрэмізму ў сувязі з так званай «маскоўскай справай» аб масавых беспарадках, і змясцілі пад хатні арышт да 27 снежня, паведамляе svoboda.org.

Сёння Масгарсуд таксама разгледзеў апеляцыю на падаўжэнне тэрміну ўтрымання ў СІЗА яшчэ аднаго абвінавачанага паводле «маскоўскай справы» Самарыдзіна Раджабава. Мера стрымання пакінутая без змены, Раджаб застанецца пад вартай да 27 снежня.

Ягор Жукаў на сённяшнім пасяджэнні заявіў, што следства скажае яго словы. «Дзе я кажу: «Гвалт не эфектыўны», следства кажа: «Заклікае да гвалтоўнай змены канстытуцыйнага ладу», - заявіў падсудны. Адвакат Жукава ўважае пераслед свайго падабароннага палітычна матываваным. Гэта, на яго думку, «відаць няўзброеным вокам».

25 верасня Басманны раённы суд Масквы падоўжыў на два месяцы хатні арышт Ягору Жукаву. Самарыдзіну Раджабаву тады ж працягнулі тэрмін утрымання пад вартай.

Суддзя Наталля Дудар пагадзілася з довадамі следства аб тым, што на волі яны могуць «працягнуць займацца злачыннай дзейнасцю або знішчыць доказы». Акрамя таго, абвінавачванне паказвала на неабходнасць правесці дадатковыя следчыя дзеянні. Раджабаў паспрабаваў зачытаць рэп у зале суда, аднак яго перапыніла суддзя, паведамляе тэлеграм-канал «Арестанты 212». Рэпер Аксімірон, які прысутнічаў на пасяджэнні, спытаў у абвінавачанага, з кім ён хацеў запісаць сумесны трэк. Раджабаў назваў яго імя, на што выканаўца адказаў: «Усё, я цябе пачуў». Аксімірон назваў праведзенае пасяджэнне суда «абсурдам і цыркам».

Першапачаткова Жукава і Раджабава абвінавачвалі ва ўдзеле ў масавых беспарадках у цэнтры Масквы, а Раджабава асобна яшчэ і ў замаху на гвалт да прадстаўніка ўлады за кідок пластыкавай бутэлькі ў бок паліцыянтаў.

Пазней Следчы камітэт зняў абвінавачванне з Жукава, але распачаў на яго іншую крымінальную справу - паводле артыкула «Публічныя заклікі да ажыццяўлення экстрэмісцкай дзейнасці». Яны нібыта ўтрымліваюцца ў відэароліках, якія Жукаў запісваў і выкладваў на сваім канале ў YouTube.

Раджабаву 15 кастрычніка выставілі новае абвінавачванне ў канчатковай рэдакцыі. Удзельніку мітынгу 27 ліпеня выстаўляюць пагрозу прымянення гвалту да супрацоўніка паліцыі. Аднак цяпер супрацоўнік МУС сцвярджае, што бутэлька «з рэзкім гукам удару» ўпала побач з ім, праз чаго ён спалохаўся.

Ні Жукаў, ні Раджабаў віну не прызнаюць.