Пяць фільмаў для вечаровага прагляду

Спіс выдатных стужак пра восень.

Храбусценне апалага сухога лісця, гарачая кава ў папяровай шклянцы, шалік і пальчаткі разам з сонцаахоўнымі акулярамі, халодныя вечары і выдатныя фільмы пра каханне. Усё гэта - восень. Жаданне забрацца пад коўдру да самага сакавіка ўжо з'яўляецца, піша segodnya.ua.

Каб трошкі адпачыць ад мітусні, прапануем зладзіць сабе ўік-энд з кіно, пагрузіцца ў атмасферу рамантыкі, прасякнутую кавай і какавай. Спіс восеньскіх фільмаў вам на вока.

«Восень у Нью-Ёрку»

Зорны дуэт Рычарда Гіра і Вайноны Райдэр - тое, што патрэбнае ў халодны восеньскі вечар. Паспяховы бізнэсовец, уладальнік рэстарацыі і бабнік Уіл Кейн дзеля забавы знаёміцца з 22-гадовай Шарлотай, якая гадзіцца яму за дачку. Шарлота паведамляе яму, што ёй засталося жыць прыкладна год - праз хваробу сэрца. Яна змірылася з гэтым і катэгарычна адмаўляецца ад аперацыі. Для Уіла пачуцці мацнейшыя за мімалётнасць, ён знаходзіць хірурга і ўгаворвае Шарлоту пагадзіцца на аперацыю.

«Дом ля возера»

Хочаце формулу добрай рамантычнай меладрамы? Вось яна: Кіану Рыўз, Сандра Балак, дом на беразе прыгожага возера і трошкі цудаў. Доктар Кейт Форэстар пакідае свой незвычайны дом ля возера і пераязджае. Сыходзячы, Кейт пакідае ў паштовай скрыні ліст, які павінен атрымаць новы насельнік хаты. У дом усяляецца таленавіты архітэктар Алекс Уайлер. Ён піша ліст у адказ Кейт. Але з лістоў адзін аднаго яны высвятляюць, што жывуць у зусім розны час.

«Апошні верасень»

Гэта брытанскае кіно. Паўднёвая Ірландыя, 20-я гады ХХ стагоддзя, эпоха заходу брытанскага праўлення. У маёнтку арыстакраты Рычард Нейлар з жонкай лэдзі Мірой дажываюць свой век, а ў паветры носіцца мяцежны дух вызвалення - крывавая бітва супраць спецыяльнага падраздзялення брытанскага войска, сфармаванага для падаўлення IRA. Здавалася б, два сутыкненне двух светаў не можа мець нічога агульнага, але каханне руйнуе ўсе мяжы. У юнай лэдзі з вышэйшага свету, пляменніцы Нейлараў, і простага брытанскага жаўнера няма перашкод для шалёнага кахання, якое разгарэлася ў гэтыя вераснёўскія дні.

«Мае чарнічныя ночы»

Гэты фільм ідэальна падыходзіць для прагляду халоднымі дажджлівымі вечарамі. Гісторыя двух людзей, размова якіх змяняе іх жыцці. Элізабэт (Нора Джонс) знаходзіцца ў роспачы, даведаўшыся пра здраду каханага чалавека. Спрабуючы супакоіцца, яна адкрывае душу ўладальніку найбліжэйшай кавярні Джэрэмі (Джуд Лоў). Усяго адна размова, некалькі пільных поглядаў, чарнічны пірог з марозівам, і вось ужо нарадзілася новая гісторыя кахання. Але не варта спяшацца. Чарада наступных падзей пра многае прымусіць задумацца і Элізабэт, і Джэрэмі.

«Перапынак на бяздумнасць»

Драматычная гісторыя Джорджа (Рычард Гір), які ўсё страціў і цяпер жыве ў начным прытулку. «У мяне дэпрэсія, я ненавіджу сябе, я - валацуга, я - не існую», - у роспачы прамаўляе галоўны герой і робіць чарговы глыток моцнага спіртнога напою. Ён ужо не спрабуе нікому нічога давесці ці растлумачыць. Ён стаміўся змагацца і амаль здаўся. Адзінае яго суцяшэнне, надзея і любоў - дарослая дачка. Але ў маладой жанчыны свой складаны, поўны болю лёс. Глядзіце ў нашым онлайн-кінатэатры неперасягнуты фільм вядомага галівудскага сцэнарыста і прадусара Арэна Мавермана.