Работнікі 19 слуцкіх прадпрыемстваў могуць застацца без пенсій

Яны маюць завінавачанасць страхавых узносаў.

Фонд сацыяльнай абароны насельніцтва апублікаваў спіс арганізацый, у якіх ёсць пратэрмінаваная завінавачанасць абавязковых страхавых узносаў больш за 100 рублёў, піша сайт kurjer.info.

Па Слуцку і раёну ў яго патрапілі 19 прадпрыемстваў і арганізацый як дзяржаўных, так і прыватных.

Самая вялікая запазычанасць у ДУП «ПМК-226» УП «Менскаблсельбуд» - 24 709,94 рубля. Але гэта на некалькі парадкаў менш, чым раней. На 1 красавіка 2019 года было 176 589,86 рубля.