Суд у Казахстане дазволіў «Нафтогазу» спагнанне мільярднага доўгу з «Газпрама»

Спрэчка ўзнікла з-за кантракта 2019 года.

«Нафтогаз» зрабіў яшчэ адзін крок у міжнароднай кампаніі супраць «Газпрама», атрымаўшы дазвол на прымусовае спагнанне сродкаў у Казахстане.

Пра гэта паведамляе сайт «Нафтогаза».

Суд Міжнароднага фінансавага цэнтра «Астана» прызнаў арбітражнае рашэнне і дазволіў выкананне на тэрыторыі Казахстана спагнання каля 1,4 млрд долараў з «Газпрама» на карысць украінскай кампаніі.

У «Нафтогазе» адзначылі, што гэта першае публічнае замежнае судовае рашэнне, якое дазваляе прымусовае выкананне арбітражу супраць «Газпрама» на тэрыторыі асобнай дзяржавы.

Старшыня праўлення «Нафтогаза» Сяргей Карэцкі заявіў, што рашэнне суда ў Казахстане стала яшчэ адным практычным вынікам у працэсе спагнання сродкаў з расійскай кампаніі.

«Мы паслядоўна рухаемся наперад і працуем над выкананнем арбітражнага рашэння ў розных юрысдыкцыях. Дзякуй камандзе «Нафтогаза» за гэты вынік», — адзначыў ён.

Спрэчка ўзнікла з-за кантракта 2019 года па арганізацыі транзіту расійскага газу праз тэрыторыю Украіны.

Пасля пачатку паўнамаштабнай вайны і акупацыі часткі тэрыторый у маі 2022 года транзіт праз пункт уваходу «Сахраніўка» стаў немагчымым. Нягледзячы на гэта, украінскі бок працягнуў аказваць паслугі праз пункт «Суджа», аднак «Газпрам» адмовіўся ў поўным аб'ёме аплачваць транспартаванне газу.

У верасні 2022 года «Нафтогаз» звярнуўся ў міжнародны арбітраж у Швейцарыі. У чэрвені 2025 года арбітражны трыбунал прызнаў «Газпрам» цалкам адказным за парушэнне кантракта і абавязаў расійскую кампанію выплаціць доўг, працэнты і арбітражныя выдаткі.

У студзені 2026 года Федэральны трыбунал Швейцарыі адхіліў спробу «Газпрама» абскардзіць гэтае рашэнне. Паколькі расійская кампанія добраахвотна не выканала сваіх абавязкаў, «Нафтогаз» распачаў працэдуры прымусовага спагнання актываў у розных краінах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com